Праз вякі, забыццё і ганенне
Ты вяртаесся з моваю зноў
Як Літвы-Беларусі насенне
І як памяць яе ваяроў!
Пералесакі мільгаюць і гоні,
Коней зыркія вочы гараць.
Пад харугвы літоўскай пагоні
Беларусі-Літвы ўстае раць.
Вы куды вараныя ляціце?
Які памяць дала вам загад?
Годнасць роднай краіны вярніце!
Яе мову вярніце назад!
Тады здрада не ведацьме схрону!
Дабро душ уваскрэсне ізноў
І Літвы-Беларусі карону
Знойдуць раці яе ваяроў!
Праз вякі, забыццё і ганенне
Павяртаецца памяць да нас.
Божа! Дай жа зямлі адраджэнне,
Вольны край каб пабачыць якраз!
Пагонi
© Copyright: Станислав Шастак, 2016
Свидетельство о публикации №116053103046
Свидетельство о публикации №116053103046
Рецензии