Низами Гянджеви
Йиф физ ава...
Йиф физ ава, мичIивиле эквер кана кIубан хьухь вун,
Ви ашкъидин юлдаш я зун, зи суфрадал мугьман хьухь вун!
Ви п1узарар уьмуьр гудай булах я са, я эркиван ,
Зи чан гъиляй фидалди ша, элкъвена заз жанан хьухь вун!
Хиялариз акъвазмир ик1, кIанидаз са регьим ая,
Зун иви физ тамир вуна, чан хкидай са чан хьухь вун!
Хъипи жезвай чиниз килиг, зи хурудай гъам акъуда,
ЧIугвазвайди тек ви дерт я, гьич тахьайтIа, дарман хьухь вун!
Гьикьван вуна , цIай хьана икI, цай ягъида сефил чандиз
Са сят зи мярекатдиз абур гудай рейгьан хьухь вун!
Ви мекер я вацран дуьгуьр, атир гузва а чIарари,
Ви лукI тушни и Низами, адазни са султан хьухь вун!
(Перевёл с персидского Билал Адилов)
Низами Гянджеви. Ночь уходит...
© Copyright: Билал Адилов, 2016
Свидетельство о публикации №116051203578
Свидетельство о публикации №116051203578
Рецензии