Чими рекъини ифирдайд хьиз чил.
Вин гуьзелвили элкъуьрна зин кьил.
Экъеч1 вун к1валяй , зин рик1ин хиял.
Вин рекьеллаз вил пашман хьанва гьал.
Заз билбилдин хуш сесиналди къе
К1анзава рик1ин хиялар лугьуз.
Муьгьуьббатдин гьис гьатнава рик1е,
Вахъ вил жезва зин гьар йифиз-юкъуз.
Вин пенжердиз къе ягъайла за вил,
Зун акурла вун хьанай мад чуьнуьх.
Регъуь жемир ваз гице зав вин гъил.
Хиве кьазва за цук хьиз вун хуьнуьх.
Зин хиялрикай сир дахьурай ваз,
Зун гьазур я вав милаим рахаз.
Чир жедайвал вин рик1ин хиялар,
Вин гьалдикай заз це на са хабар.
Зин к1енивилихъ авач мад кьадар.
Жагъуриз жезмач лугьудай гафар.
Гьикьван хьурай бес зин вил вин рекье
Вун чуьнуьхиз ,зун къведани лагь къе?
Вун чуьнуьхиз къведани зун?
© Copyright: Гулья Мисриханова, 2016
Свидетельство о публикации №116051210785
Свидетельство о публикации №116051210785
Рецензии