Йижаршка- на чеченском языке
Хетар яц оьмарехь цкъа а суо г1ийла
Шу мел ду эшначохь юххе д1ах1ийтта.
Къаналла т1ееъча дог сутардаьлла,
Ца къахьлун марзо ю сан сих д1аийнарг.
Самукъа даьллачохь со шуьца йоьлу,
Бала т1ебазбелча вай цхьана доьлху.
Во- дика т1едеъча орцаха кхойкху,
Шул хьалха суна т1е цхьа а ца кхочу.
Аллах1а диканца кху дийне вай даьхна
Дош даше ца долуш, ца йулуш мекхо,
Вонаш а, дикнаш а ду раьг1наш йоттал,
Шун б1архиш ца гайта ю реза йала.
Суо гена, йа герга кхолламо яккхарх
Шух цхьа а йицйина м1аьрго ца яьлла.
До1анехь сайн куьгийн канаш а лаьцна
Шуна ас диканиг Аллах1е дехна.
Со къена йу алий сох д1а ма къехка,
Сох дийлла г1алаташ юьхь- духьал ала.
Сайн къинойн мохь эцна со новкъа яьлча,
Йижарий, Аллах1е геч дар аш деха...
Азман Джабраилова
02.05.2016
Свидетельство о публикации №116051108601
Лала Бахаева 25.09.2016 20:23 Заявить о нарушении
Хьа а бойла Дала аьтту дахарехь а, кхолларехь а.
Ларамца.
Аза Атагинская 27.09.2016 20:20 Заявить о нарушении