Р И К1 Е Л Х К И З
Кьилел бешме, гъилик цамар,
Жегьил рушан, къуьнуькни квар.
Тентес-тентес вегьиз камар,
Эвич1зава чар булахдал.
Яд галтадна ахц1урна квар,
Хкаж жезва а бахтавар,
Квачеллай чувекрин к1уфар
Ак1уриз гуьнед яхадал.
Бешмедик квай а лацу чин,
Генан лацуз акваз вичин.
Ранг къачуна лацу чарчин,
Шикил хьиз, алай хунчадал.
Далдадикай, чинар таран,
Хкатай зун,- акур рушан,
Къалаблухди, уьркуьт къушран,
Ухшар къведай гъана гьалдал.
Уьркуьт хьана кткана хъвер,
Квар къуьневай, рушак иер.
Ихьтин айгьам жедан мегер
Лугьуз, руша акъудна "къал"...
Ихтилатиз ширин-ширин
Гьиссерикай чи рик1ерин.
Гуьрцелдал кьван к1валин варцин
Хтанай чун... ахквадайвал.
Къе рик1ел хкиз а чиг вахтар,
Къужани къари - агьил таяр,
Ацукьнава, гьал яз пайгар,
Варар патав гвай куьсруьдал.
2014 й.
***
© Copyright: Фикрет Хидиров, 2016
Свидетельство о публикации №116050309949
Свидетельство о публикации №116050309949
Рецензии