Са ч1авузни ракъурдач куьн рик1елай,
Ватанд(ин) кьилел къурхуллувал атайла,
Уьтквемвилелд(и) дяведин ц1уз фейибур.
Гьамишанда эзберзава мецелай
Куь гьунарар,кьегьалвилер,
Чун паталди багьа чанар гайибур.
Са ч1авузни ракъурдач куьн рик1елай,
Гел галачиз квахьна ,
Ватанда сур дахьайбур.
Гьамишанда эзберзава мецелай
Куьн гьунарар,душман тергна,
чаз азадвал,гъалибвал гваз хтайбур.
Са ч1авузни ракъурдач куьн рик1елай,
Чи яракьдин гьейбатлувал къалурна,
Фашизмадин руьгь,юкьван тар хайибур.
Гьамишанда эзберзава мецелай
Вири т1варар,лап гьар са кас,
Лук1виликай чи Ватан,гьак1 вири халкьар хвейибур.
Ракъурдач куьн рик1елай
© Copyright: Курбансмяли Пирвелиев, 2016
Свидетельство о публикации №116050209625
Свидетельство о публикации №116050209625
Рецензии