Яраб зиди тахсир ятlа?
Зун на кьунвай есир ятlа?
Мад садазни лугьуз тахьуй,
Зун рикlелай ракъуз тахьуй.
Ширин гафар вуна лагьай,
Заз ван хьанач лап бинедай.
Фейитlани къуш хьиз цавай,
Мад хъижедач рехъ гуьнедай.
Вили цавуз килигда зун,
Гьамиша зин рикlел хьуй вун.
Цавай фидай лиферин луж,
На зи рикlиз гуз тахьуй гуж.
Кlанивал
© Copyright: Марьям Алискерова, 2016
Свидетельство о публикации №116050201571
Свидетельство о публикации №116050201571
Рецензии