Лугьумир гьич бахт галачиз хайид я
Циф алай къуз рагъ тур жуван рик1е на
Факир мийир марф вин кьилел къвайид я
Гьар йукъуз са цуьк цуз физвай рекье на
Багърийрилай ваз к1андайвал алакьдач
Вин рик1и хьиз кьат1узвай рик1 авач мад
Вин чандин гьал вирибурув агакьдач
Текдиз дидеди хайила жеда сад
Агъзур сефер зун бахтлу я тикрара
Пис крарни хъсанвилиз алхишиз
Аруш хьурай бахтар жезвай крара
Чин дустариз хуш легьзеяр багъишиз
Лугьумир гьич пул авайбур я бахтлу
Тупар ягъдай гафаралди рахайла
ВУч авурай а фагъирри ажугълу
Вин хьтин девлет авай руьгь дахьайла/
Лугьумир гьич!
© Copyright: Гулья Мисриханова, 2016
Свидетельство о публикации №116042611333
Свидетельство о публикации №116042611333
Рецензии