Б. Пастернак. Быть знаменитым некрасиво...

Билал Адилов
Машгьурвал туш са  кар хъсан.
Ада цавуз хкаждач вун.
Герек туш гьич архивар тан,
Кхьейбурун винел  зурзун.

ТуькIуьрун-гун, жув къурбан хьиз,
Адан къаст туш къал, агалкьун.
Айиб кар я вич затI тушиз,
ГьакI виридан сиверал хьун.

Герек тапан тIвар галачиз,
Уьмуьрун акI, эхирдай вал
Канивилер жувал желбиз, 
Пакамандин ван къведайвал.

Тан герек я ичIивилер,
Чарара ваъ, кьисметдалди,
Там уьмуьрдин чка - кьилер,
Чуьллера къейд авуналди

Сир тийижир танда гьахьиз,         
Чуьнуьхарин  жуван камар,
Чил цифедик  акатдай хьиз,
Акван тийиз затIни  са чIар.

Фида ви рехъ, кам-кам атIуз,
Масабур ви гелер кьуна,
Амма гъалиб- магълуб, кьатIуз,
Чара тийин  герек вуна.   

Са жизвини такъудиз ван, 
КIевидаказ жен къастарал,
Амма герек эхирдал кьван,
Хуьн авайвал жуван жуввал.


© Copyright: Билал Адилов, 2016
Свидетельство о публикации №116042010211
Список читателей / Версия для печати / Разместить анонс / Заявить о нарушении
Другие произведения автора Билал Адилов
Рецензии
Написать рецензию
Другие произведения автора Билал Адилов