Зи играми азиз буба,
Виридалай я заз багьа!
Хтулар ви чlехи хьанва,
Чlулав чlарар рехи хьанва!
Ви уьмуьрар хьурай яргъи,
Лувар гала къуьнерихъ ви.
Амай уьмуьр хьурай дири,
Дамахзава за тlварцlел ви.
Гьардахъ вичихъ кьисмет ава,
Зи бубадиз гьуьрмет ава.
Аялриз на гайи тарсар,
Муаллим яз тавур фурсар.
Гзаф сара авур кlвалах,
Аялри вал ийиз дамах.
Хуьруьнбуру гайи къимет,
Зи бубадиз ава гьелбет.
Хайи чили гурай къуват,
Сабурни хьуй,вичихъ ният.
Къени къилих авай къамат,
Яргъи уьмуьр хьурай гьайбат.
Буба,заз вун хайи хуьр я!
Хайи Ватан зи уьмуьр я!
Веледризни вун багьа я!
Сагълам чан хьун чи мурад я!
Буба
© Copyright: Марьям Алискерова, 2016
Свидетельство о публикации №116041705628
Свидетельство о публикации №116041705628
Рецензии