Диде,ширин,диде масан,
Авач валай багьа инсан.
Диде я гьар садан бине,
Велед лагьай гаф я вине.
Ахварай заз гузва салам,
Акваз кlан тир заз вун сагълам.
Зи уьмуьрдиз гайи илгьам ,
Гьикl авурай за ваз айгьам?
Шадвал амач вун галачиз,
Лагь,гьинай за вун жагъурда?
Кьуразва хьи вун авачиз,
Саймиш тийиз зун акурда.
Диде,вун зи чими рагъ тир,
Зи уьмуьрда вун са багъ тир.
Мад ахквадач вун азизди,
Дуьньядал зун я ажизди.
Зуьгьре гъед я вун,чан диде!
Вун захъ авай сад,чан диде!
Пашман хьанва зун,чан диде!
Гьайиф,амач вун,чан диде!
Диде чан
© Copyright: Марьям Алискерова, 2016
Свидетельство о публикации №116041701659
Свидетельство о публикации №116041701659
Рецензии