Чан зи Дишегьли лезги

Чилин шардал Дишегьлийрин Югъ вири
Къейд ийизва, чан Дишегьли зи дагъви,
Мубаракрай  ваз гатфарин югъ чими,
Чан зи дагъви, чан зи Дишегьли лезги.

Ширинлухар, цуьквер, атирар к1ани
Багъишда за рик1ин сидкьидин мани,
Фатма, Зарбаф, Марал,Айна, Назани...,
Чан зи дагъви, чан зи Дишегьли лезги.

Вердиш тушир савкьватарихъ эсилли,
Къадимдилай пак тир кьурди са терби,
Намуслу руш,вах,свас,диде т1вар михьи,
Чан зи дагъви, чан зи Дишегьли лезги.               

Зуьгьре, Халум,Цуьквер,Саимат,Пери...,
Герек ч1авуз - эркек аскерар дири,               
Гуз вахчуз хьай ваъ, ви диндал тир к1еви,
Чан зи дагъви, чан зи Дишегьли лезги.

Чизва, назик рик1 хирери мад ц1ийи
Т1век-т1векзава, инанмиш я, гьич жизви
Хиялари гуч ян патаз, руьгь хци,
Чан зи дагъви, чан зи Дишегьли лезги.

Къуй, лацу шал кьисмет хьуй ви къуьнериз,
Къагьриманар-рухваярни - кимериз
Ислягьвални мублагьвал чи чилериз,
Чан зи дагъви, чан зи Дишегьли лезги.    Март 2016