Лекьре лув гуз цаварал,
Такабурдиз элкъвезвай.
И арада руькъверал
КЬве верч т1уьнихъ гелкъвезвай.
Лекьрен эхъен акурла,
Верчери кьил хкажна.
Къвача к1вачер ак1урна,
Чпин лувар акъажна.
Лагьана са вечре ик1:
-Чахъни лувар авачни?
-хкаж жен чунни туна рик1
Чи пай цавук кувачни?
Зазни к1анда цаварал
Лекьери хьиз сирнавиз.
Гагь ацукьиз рагарал,
Гагь гьавадай килигиз.
И ван хьайла лекьери,
Са ихьтин жаваб гана.
-Къакъра ямир сивери,
Пехилвилиз таб гана.
Кьве рик1 турт1ан куь къене,
Гьардаз гайи пай ава.
Чавди акъажмир куьне,
Гьардаз вичин тай ава.
Экъеч1айт1ан эгера,
куьн рагариз-цавариз.
Михьи цавун къатара
Макан жеда къвачариз.
Кадимбег Ильясов
Лекьрен жаваб
© Copyright: Кадимбег Ильясов, 2016
Свидетельство о публикации №116033108019
Свидетельство о публикации №116033108019
Рецензии