Хваяр тахьуй дидейриз...

Кадимбег Ильясов
Чарад малдал вил алай,
 Вич ажалдив къугъвадай,
 Дидедейрал гъил хкаждай,
 Хваяр тахьуй дидейриз.

 Жуван халкь пис аквадай,
 Душмандикай дуст кьадай,
 Пеш хьиз гарул къугъвадай,
 Хваяр тахьуй дидейриз.

 Бубад чина рахадай,
 Цаз хьиз виле акьадай,
 Халкьди негьиз хъуьредай,
 Хваяр тахьуй дидейриз.

 Халкь маса гуз фу недай,
 Рик1 ч1уру яз-хъуьредай,
 Ч1уру кардихъ гелкъведай,
 Хваяр тахьуй дидейриз.
 
 Ч1алан къадир авачир,
 чилин къадир авачир,
 Жуван халкьдик кувачир,
 Хваяр тахьуй дидейриз.

 Къадимбег Ильясов


© Copyright: Кадимбег Ильясов, 2016
Свидетельство о публикации №116033107873
Список читателей / Версия для печати / Разместить анонс / Заявить о нарушении
Другие произведения автора Кадимбег Ильясов
Рецензии
Написать рецензию
Другие произведения автора Кадимбег Ильясов