Алукьна чаз чи ц1ийи йис,
Лезгистандин ч1ехи межлис.
Гьар са касди ийизва гьис,
А ви назик шагьвар сувар.
Яран сувар, яран сувар.
Т1ебиатдал гъизва на чан,
Къацу хьана багъни бустан.
Цуьквед багъда билбилдин ван,
Гьелбет ви гьунар я сувар.
Яран сувар, яран сувар.
Жегьилринни шад я рик1ер,
Ц1айил элкъвез ийиз кьуьлер.
Яру хьана чпин хъуькъвер,
Ви ялавдин зар я сувар.
Яран сувар,яран сувар.
Халкь алахьна гьар са патаз,
Цанар цазва тумар кутаз,
Бул бегьердин умуд аваз.
Чан бегьердин варар сувар.
Яран сувар, яран сувар.
Кадимбег Ильясов
Яран сувар
© Copyright: Кадимбег Ильясов, 2016
Свидетельство о публикации №116033107837
Свидетельство о публикации №116033107837
Рецензии