Зирек Дишегьлийриз. Маленькая поэма

Куьгьне хуьре, кьакьан чархал
Алайтир чин дидейрин к1вал
Яшамиш жез, ийиз шадвал
Рахаз къугъваз жедай санал.

Йикъар, йисар къвез алатна
Шад замана фад акъатна,
Гапур, яракь хци хьанай
Дявед ц1аяр къати хьанай.


Дагъви хуьруьз къвезва туьрквер
Лугьуз жедай кайи эллер.
Хуьре туна чпин к1валер
Куьч хьан хуьруьз, авай чуьллер.

Анжах кьуьзуь, зайиф баде
Акъвазна хьи вичин к1вале
Зин ч1ехи тир баде Зуьгьре
Кич1 авачиз вичин рик1е.

Заз дяведкай гьич кич1е туш!
Туьрквер хуьрел хьана аруш
Амач хуьре я гада руш,
Гьич цавални амач са къуш.

Эхир бадед(и) куьгьне к1вализ
Рак ахъайна, катиз к1евиз
Чи бадедал гьужум ийиз. . .
Акъатнава душман сил.

Кьуьзуь баде саф гъиле  (а)ваз
Экъеч1навай абрухъ рахаз,
Чан дидедин куьмек це заз
Туьк1уьрман саф гумирт1ун наз.

Залум вилер хкажна хьиз
Сивин патай милиз-милиз
Хъуьрена ам чи бадедиз
Эгеч1нахьи саф туьк1уьриз.

Гьа Ик1  бадед(и) акьуллувал
Гъалиб хьана душманрал
Чидайди тир гзаф амал,
Душманринни чирдай хиял.


Чи дередани вик1егь папар
Душманрикай са кич1 таквар,
Вичин хуьруьз гудай зарар
Залум ксар ийида кук1вар! !!



Фото из интернета!