Къайи хабар

               

Къайи хабар фад агакьда яргъазни.
Ван хьайила к|ан хьаначир ягъазни.
  Ст|ал шаир Сулейманан к|вал кана.
 Рик|ин къене акъат тийир т|ал хьана.

Лезги халкьдин суварин йиф-яран йиф.
Авуна хьи гъамарин йиф-залан йиф.
Душманари куьк|уьрна чаз ялавар,
Авуна чи хуррам рик|ер ч|улавар.

 Куьне кана Сулейманан мягьсерар,
Куз жедай туш адан жанлу эсерар. 
 Кана куьне куьгьне хъукъвай шаламар.
 Куз жедай туш Сулейманан каламар !

Гьа шаламрик квачирбуру яна ц1ай.
 Пак мескендал гьик1 фена куь гъил кьац1ай ?
 Шаирдилай алуддани хъилер куь ?
 Къуьнерилай куьз  галатнач гъилер куь ?


Сулейманахъ хайи лезги эл ава,
 Къадим адет садвал авай- мел авай.
 Вичин къажгъан хъеп-хъеп ийиз мурк1адал,
 К|ан хьайит1а хъуьт1уьн цик|из ргадай.

 Шаир к|ани халкьдин патай аманат,
Хкаж жеда ц|ийи уьтквем дарамат.
Сулейман чи намус, гьая миллетдин
Тадач халкьди курбанд хьана небгетрин.