Къадала гIяламлира,
Шанда уркIи бицIахъу.
Къадала дубуртлира,
УркIира хIулбиркахъу.
Хъармахьила майдайни,
Буциле дебилра диркь
Кебаибил мадайни,
Биру кьаркьалара чIиркь.
Къадала ши бехIбирхьуй,
Шурма хъалзела Чябан
ХIа хIурмат бирхIабируй,
Цалра инсан кухIалъан.
Халкьла уркIбе гонай ши,
ХIаркIизела Ванаши,
Вайдешла гесек-месек,
ХIушам мамикаб къарши.
Жегой дубуртла урга,
ГIяйбугьубил Къачалихъ,
ГIуррара хIуни бирга,
ГIяламла урга шадлихъ.
КахIабиркур ЧянкIурбе,
ХIадугьалра анкурбе.
Итала гIяламлара,
Шатил цари уркIурбе.
Лерил къадала шиме,
Калъаб цари миръиле.
Дурар цархIил шимера
Миръи бяхил дакIиле.
Къадала шимас
© Copyright: Салим Герейбеков, 2016
Свидетельство о публикации №116032006283
Свидетельство о публикации №116032006283
Рецензии