С И Ф Т Е А К У Н
Рик1ел алама сифте акун,-
Вун тамам са ц1емуьжуьд йисан.
Къилих течиз, акваз умун,
Вун заз хьанай багьа инсан.
Суал низ гун, нивай чирин,
Хабар кьадай жагъанач кас.
Рик1е гьиссер регъуьвилин
Къекъвез хьанай... жедат1а свас?
Вил алудиз заз к1андачир...
Суалри зал тухуз силис.
Кужум хьанвай, квачиз тахсир,
Я жезмачир завай мад кис.
Мугьуббатдин гьиссер алт1уш
Хьана, зун тир михьиз дарих.
Къалабулхдин легьзейри т1уш
Гуз, къудгъунзавай зи байих.
Дуьшуьшдай акьур вилера
Гьатна тажуб, ахпани нур...
Заз гьик1 хьанай и чилерал
Бахт жагъана, садран такур.
А мехъерик, хуьре хьайи,
Вун атанвай тир са мугьман...
Халикьди заз пишкеш гайи,
Яр хьанай вун, багьа инсан.
1989 й.
***
© Copyright: Фикрет Хидиров, 2016
Свидетельство о публикации №116031812724
Свидетельство о публикации №116031812724
Рецензии