«ВАХТАР ВА ИНСАНАР»
передачадин 10 йисаз
ЦIуд йис яргъи туштIан акьван,
Бегьерар гъиз гьар суз кьакьан,
Шадвал кутаз жез амай кьван,
«Вахтар ва инсанар» икьван,
Рахун гьикьван хуш ятIа лагь!?
Муштулух гвай къуш ятIа лагь?
Зегьметчи тир халкьарикай,
Берекатлу накьварикай,
Тарихрикай ахварик квай,
Стхайрикай, вахарикай,
Рахун гьикьван хуш ятIа лагь!?
Муштулухдин къуш ятIа лагь?
Лезги халкьдин крарикай,
Гьар суварин Ярарикай,
Муьгьуьббатдин цIарарикай,
Баркаллуйрин тIварарикай,
Рахун гьикьван хуш ятIа лагь?
Муштулух гвай къуш ят1а лагь?
Исамудин Ахмедоваз бахш яз
© Copyright: Сажидин Саидгасанов 4, 2016
Свидетельство о публикации №116031207015
Свидетельство о публикации №116031207015
Рецензии