АТАМ

Кёлюмде болгъанны мен барын айталмам!
Джюрек айтханны мен барын джазалмам!
Къолумдан келмейди заманны бурургъа!
Ызына къайтарыб атамдан разылыкъ алыргъа!
***
Акъырын бара заман кюйдюре!
Джюрегим хаман сеннге термиле!
Онтёрт джыл сакълайма, кёрюрмеми? — деб,
Муратларымы бошуна ётдюре!
***
Тюшюмде кёрсем, джараларым джаннгыра!
Асфальт джоллада, машнанга къарайма!
Джанибек тукъумгъа къуру сен джетмейсе!
Англамайма, сени бламы ёлюб кетгенме?
***
Февраль ай джетед — деб, джюрегим къоркъады!
Таннга чыгъыб, джан бергенинге къалай тюбейим — дейди!
Эсим,  сагъышым, джан — джанымдан бошайды.
Ийман нёгер табхан эдингми ахратха?— деб, кюйдюреди.
***
Эсимден кетмейди ариу ышаргъанынг!
«Къызым къатымдады» — деб, татлы айтханынг!
Ишде арысанг да ата джылыу бергенинг!
Ата орун толтургъаннга Аллах Джандет берсин!
***
Ким биле эди быллай сюймеклик болгъанын!
«АТАМ» — десем, тылпыуум тыйылгъанын!
Джылдан — джылгъа бек сени сюйеме!
Нек, сора джокъ эсенг хаман сени излейме?!
***
Джашау джолда нёгерлеринге тюбейме.
Сени сагъынсала кёзлерине джыламукъла келелле.
«Ол иги Солтан къалай джашар эди сора?» – дейле.
Болсанга уа аман, турур эди джылыуунгда менде?!?
***
«Солтан — атангы уа таный эдик» — деб, сый берелле!
Сени сагъыннганлагъа Аллахдан тилек излейме!
Сыйлы атынгы джерге урмам — деб, ант этеме!
Джандетледе джарыкъ бетден тюбейик — деб, тилейме!
***
Джашау сынамла тюрлю-тюрлю сыфатда келелле.
Кючюнгю, къарыуунгу юсюнгден джыртыб кетелле.
Онтёрт джыл ата джылыугъа кемсизлик этеме.
«АТАМ» — деб, нёгерлерим къучакъласала, менда  термиле.
***
Джыламукъла соруусуз къуйюла —  келе.
Джюрек тохтай — ура сюймеклик билдире.
Аллах биледи, ауазынгы эштирим келеди.
Бир сюймеклик бар эсе дунияда, МЕНИКИДИ СЕННГЕ!!!
***
Сени къатынга джууукъ болурум келеди.
Джахил дунияда алданырым келмейди.
Мурат салама къарыусуз джюрекге.
Дуниялада болсун атынг, Я АЛЛАХ мийикде!
***
Сени разылыгъынг болса джанымда!
Анамы разылыгъын алсам дунияда!
РАББИЙИМИ болса РАХМАТЫ джаныма!
Болур эдим ишексиз, эм насыблы инсанладан!
***
Сени Джаратханнга болсунла ШУКУРЛА!
Меннге ата Этгенине болсунла МАХТАУЛА!
Джокъду оноу Къадарлыны БУЙРУГЪУНА!
Мадарсызма, разыма, сени менден айыргъан АЛЛАХЫМА!
***
Болады кюнлерим, сагъышларымы унутама!
Тюбер эдим сеннге татлы къучакъда!
Джашауум алайда тохтасада мени!
Кёрюр эдим мен сени кесек заманнга!
***
Джокъду сенсиз джылыуубуз юйде!
Тас болгъанды толу игиликле!
Бошуна кетеди заманла, кюнле!
Джюрегим сенсиз отда кюе!
***
Маратынгы бетинде сени кёреме.
Сеннге ушагъаны ючюн айырыб сюйеме.
Муратынга кишини джетдирелмейме.
«Джашым» — деб, бек сюйгенинг кёзюме кёрюне.
***
Меннге къараб тураса — дегенча болама.
Сени хаман джюрек ичде тутуб турама.
Аллах болсун разы сени табханнга.
Болсун Джандет нёгеринг къатынгда.
***
Бешибизге — беш мурат салыб кетдинг!
Солтан атынгы дуния насыбха бердинг!
Меннге  салгъан муратынга джетдирирмеми мен?
Болурмуса Атам, ДЖАКА къызынга разы сен!
***
ДЖАРАТХАН болмаса киши муратынгы билмез.
Атача тилеклеринги балалагъа башха эшитмез.
Я АЛЛАХЫМ, атамы тилеклерин бизлеге бир толу бер.
Кеси ДЖАНДЕТЛЕДЕ  къууанырча бир насыб кенгине кер.
***
Толу хапар айтырым келеди сеннге!
Къалай джашайма, неге кюйеме!
Къалай сыйлы этгенди Аллах джанымы!
Аузумда джазыуума къууанырыкъ эдинг, билеме!
***
Онтёрт джылны аллымдан кетмейсе,
Кёзлеримде джашаб кесинге термилте!
Сау аталаны сыйларын  нек кёрмейле?
Меннге сорсунла атасыз къалайды — билеме.