Атанва кьуьд къалин хьанва дердияр,
Цавай гъетер,чиляй цуьквер аквазмач.
Къалур ийиз гьар жуьредин сегьнеяр,
Физва уьмуьр,гатфарни захъ рахазмач.
Атанва кьуьд къалин хьанва дердияр,
На лугьуди амай крар туькlвенва.
Аквазва заз бахтлубурун чешнеяр,
Амма зи рикl бахтсузбурухъ куькlвенва.
Атанва кьуьд къалин жезва дердияр,
Физва уьмуьр гару тухвай пешер хьиз.
Авурди туш масада хьиз фитнеяр,
Цавай фейи дурнадин кьве цlакул хьиз.
Атанва кьуьд къалин хьанва дердияр,
Лацувилин либас вичел алукlна.
Ягъиз тахьуй гьич намусдиз пинеяр,
Уьмуьрди зи гадни-гатфар тухвана.
Кьуьд
© Copyright: Марьям Алискерова, 2016
Свидетельство о публикации №116022701416
Свидетельство о публикации №116022701416
Рецензии