Хъуьтlуьн йиф я,цавани-гъетер,
Хуьр секин я, чуьлни-са тегьер.
Вацрани фикир желбзава вичел,
Мугьман хьанвай зи дакlардин кьилел.
Куш-куш ийизвай шагьварди къецел,
Мажал гузвач заз рахадай мецел.
Галукьда бирдан назик ширин сес,
Язавай маниди хкажда гьевес.
Ширин авазри, ачухдиз лугьун,
Тухузва мад гьакl яргъариз зун.
Мензиларни чи ятlани яргъал,
Анжах вакай я зи фикир-хиял.
Зи жегьилвал,ша,къакъуд мийир на,
Дердер-гъамар зав агуд мийир на.
Жеда кьван авазрихъ еке са къуват,
Гьанай аквазва заз ярдин къамат.
Тухузва хиялри...
© Copyright: Марьям Алискерова, 2016
Свидетельство о публикации №116022701411
Свидетельство о публикации №116022701411
Рецензии