Туьквезбана Эминал хьиз,
Дамахзавай зани вал.
Зи рик!ни ваз муьт!уьгъ хьанвай,
Ч!ехи зат! я к!анивал.
Вунани заз ик! лугьудай:
"Валай багьад авач заз,
Вун твада за рик!ин къене,
Валай гъейри к!андач заз!".
Хуп! диганвай чи муьгьуьббат,
Дагъдин гьамга булах хьиз.
Ашукь хьанвай зун уьмуьрдал,
Гележегдал дамахиз.
Амма гада чи арада,
Фитнедин гар къекъвена...
Вилик физвай муьгьуьббатдин,
Чархар кьулухъ элкъвена.
Таб гафариз яб гана на,
Ч!алахъ хьана фитнейрин.
Чи уьмуьрдин гуьзелвилер,
Маса гана къерейрихъ.
Тахсир квачир,зун михьи тир...
На зак тахсир кутуна.
Вири фена ви рик!елай,
Яргъаз хьана,зун туна.
Рик!еллайди мецел къведа,
Ваз са-кьве гаф лугьун за:
Къе зи мурад,геж ят!ани,
Вун гъавурда акьун я.
Ч1ехи зат1 я к1анивал
© Copyright: Марьям Алискерова, 2016
Свидетельство о публикации №116022701379
Свидетельство о публикации №116022701379
Рецензии