С. Есенин. Я зажег свой костер...

Билал Адилов
За жув патал  са  къул кана...

За жув патал  са  къул кана,
Ялав бирдан яру хьана,
Гегьеншдаказ лепе гана, 
Кьуд патахъди ам чкIана.

Ва къакъатна цIелхем хци, 
Лап яргъариз акъатна ам,
Залан хьанвай хуралай зи
Чукурзавай хажалат-гъам.

Умуд квачир перишанвал
И цIивинра куз алахьна,
Къулан патав ва зун патал,
Элкъвена са мани хьана.

Ва зани шад са касди  хьиз,
Килигзавай къулаз кани,
Жуван гъамар рикIел хкиз,
Кьил кутуна лугьуз мани.

Зун цIелхемрин винел ала,
Амач гила ялавар заз,
Амайди са руьхъ я инал,
ЦIаярикай саламат яз.

Мад хажалат, мадни дердер,
Гьат хъувуна гьикI зи хура,
Къвезва гар хьиз  гъам са тегьер,
Зун галайнихъ мад яргъарай.

За гьисзава турфанд гьава,
КIевиз ала  хур сузадал, 
Нагъв алахьиз  авахьзава,   
ЦIивинрикай амайбурал.


© Copyright: Билал Адилов, 2016
Свидетельство о публикации №116022511762
Список читателей / Версия для печати / Разместить анонс / Заявить о нарушении
Другие произведения автора Билал Адилов
Рецензии
Написать рецензию
Другие произведения автора Билал Адилов