Къалала биштIал кьакьа
Байбяхъили вакIадли,
КьакьабакIибси кьаркьай
РяхIятдеш бурги марли.
Шинни, бикIар, къаркъара
Бирар кIантIибирули,
УркIикIун къаркъа ахIен-
Сен илцад чIумалири?
ЦIа алкан пирхбаралли
БиштIал пирхикIла чIала.
Бетуркар цIала гулум
ХIеризадли баралра.
БугIярдешла гьавали
ГIянкIти шин миъдиргIяхъу.
ХIела ванаси хIерли
Гъира имцIабирахъу.
Адамлис кьяшми гили
Сари ванза ихъахъес.
ХIуни дуклуми гилри
Дуги-хIери урцахъес.
УркIи къаркъа ахIен
© Copyright: Хасайбат Меджидова, 2016
Свидетельство о публикации №116022213518
Свидетельство о публикации №116022213518
Рецензии