ТЕСНИФЗАВА ВАЗ МАНИЯР
Мани туьк1уьр лугьуз вун зал,
Гьавалат я аваз ви т1вар.
Я руш, мани яни туп1ал,
Ифриз къаш хьиз ягъиз ви т1вар.
Припев:
Заргар туш зун, я тажир,
Са вун патал я шаир,
Теснифзавай ваз манияр.
Ви ипекдин ч1арарикай,
Заз чуьнгуьрдин симер хьана.
За ваз лагьай ч1аларикай
Муьгьуьббатдин эсер хьана.
Припев виликанди.
Куьз элкъвезва залай вун ик1 ,
Чепелукь хьиз лампадилай?
Зав агатмир, кузва зи рик1,
Куда вунни багьнадилай.
Припев:
Заргар туш зун, я тажир,
Са вун патал я шаир
Теснифзавай ваз манияр.
Теснифзава ваз манияр
© Copyright: Нажмудин Шихнабиев 2, 2016
Свидетельство о публикации №116022111150
Свидетельство о публикации №116022111150
Рецензии
