(…Инсан я зун, и дуьняда
Гаф хьайи яракь.
Вил ахъайна канивилин,
Авурда суракь.)
Ц1айлапандин ц1ай галай ц1ук1,
Рик1 авайдаз пар я ашкъи.
Гагь мелгьам я, кайибуруз
Гагьни кьилел хар я ашкъи.
Садлагьана галукьзавай,
Галукьай хьиз амукьзавай,
Алугариз, алугзавай
Са ялавдин зар я ашкъи.
Къурбан тирда хкат1навай,
Зи чандикай хкатнавай,
Хайи элдив агатзавай
Зи шиирдин ц1ар я ашкъи.
Гъил къачуна крарилай
Фад агакьдай гарарилай.
Кап алтадда карарилай,
Зи рик1 алай яр я ашкъи.
Тек и гьисдив нефес къачуз,
Дири- дири аватна ц1уз.
Шаир Эйваз кана ялгъуз,
Кьилел атай кар я ашкъи.
Ашкъи
© Copyright: Эйваз Гуьлалийрин, 2016
Свидетельство о публикации №116022110456
Свидетельство о публикации №116022110456
Рецензии