Ч1ал т1вар алай п1ирел ша

Эйваз Гуьлалийрин
За  къелемдиздиз  къилав  гана,
Ц1арар   кхьиз  нубатдин.
Гаф  вегьида  «стха»йри  зал,
Зари  лугьуз  нугъатдин,
-
Са   хванаха  зи  пад  туна,
«Терефрикай»  рахада.
Чинал  хъуьрез,  алатайла
Алакьдайвал   жакьвада.
-
«Ахтармишар»,  «ИСТЕМИШАР»
Авач   лугьуз  кк1ида.
Яратмишар   хьайи  туш  заз,
Туьк1уьрунар   ийида.
-
Талба  вегьиз  ,багьна  гъида-
«Гафарганар  к1елнани?».
-Я   стхаяр  ,  а   гафарган 
 Вилик   туна  шелдани?
-
«Аннамишрив, ишлемишрив»
Куьне  чи  кьил  ац1уриз.
Гунагь    тушни,  я  багърибур,
Дидедин  ч1ал  кьац1уриз?
-
Патан  гафар   кхьинилай
Лезги  нугъат  хъсан  я.
Акваз-акваз  чк1изва   ч1ал,
Кьил   агъузин    яман  я.
-
Гатайт1ани  куьне  Эйваз,
Иливарда   зи  хъел  за.
  Жуван  гафар   мецел   алаз, 
Ч1АЛ   т1вар   алай  п1ирел  ша!


© Copyright: Эйваз Гуьлалийрин, 2016
Свидетельство о публикации №116021810134
Список читателей / Версия для печати / Разместить анонс / Заявить о нарушении
Другие произведения автора Эйваз Гуьлалийрин
Рецензии
Написать рецензию
Другие произведения автора Эйваз Гуьлалийрин