Т1ал

                Дерт.

Ара-ара  аквада  зи  вилериз
Суса  гатай, хци  ат1ай  дидеяр.
И  дуьньядин  азабрикай  зурбади
Текъвезмай  къар, кьилел  атай  дидеяр.
-
Бубадал   гъил, хкъажзавай  хахаяр,
Дидед  галаз  рахан  тийир  рухваяр,
Са-садак  кваз  як-чк1ул  тир  архаяр –
Эй, девирдин  кьве  к1вачеллай  микрабар,
Куьз  ат1уда  мукьва-кьили,  агъраба?
-
Куьн  акурла  эх  ийидач  сабурди,
Гьик1  кхьидач  за  вилериз  акурди?
Эй  уьмуьрдин  гъавурда  гьич  такьурди
И  дуьньядал  вад  югъ  я  вун  алайди.
Шуькуьр  ая, вунни  чилел  атайди.
-
Са  руфун  фахъ, галтугайт1ан  дат1ана,
Фу  балк1андал  куьн  даима  ях  жеда.
Кьуьзуь  хьана, кьве  къат  хьайи  береда
Кьилел  хуьквез, куь  мецерал  агь  жеда.

                ***
Чпин  уьмуьр, куьтягь  авур  рекье  зи,
«Угь»  авунни  зуз  гьатзава  рик1е  зи.
Кич1е  я  заз, кьуьзуь  жезва  диде  зи
Зи  багърибур  даим  зи  патав  хьурай.
-
Пелен  бириш, кьуьзуьвилин  лишанар,
Азиятдин  виш  чин  акур  инсанар,
Шуьк1уь  гъилер  гьалалвилин  мизанар
Зи  багърибур  даим  зи  патав  хьурай.