Дагъдин жигъир,зун булахдин рекьева,
Гьамга хьтин пак мурадар рикlева.
Таза шагьвар къвез зи пеле акьазва,
Гуя ам зав зи дуст руш хьиз рахазва.
Шад къушари,хкаж хьана цавариз,
Макьам ягъиз къилав гудай лувариз.
Яваш-яваш агакьна зун булахдал,
Тамари ам кьунвай чпин къужахда.
Бес гьикl ашукь тежен зун и вахтунал,
Тух жедани гуьгьуьл булах акунал.
Бирдан зи рикl тухванва са метлебди:
"Булахдихъ кьван бахт хьанайтlа,ажеб тир!"
Булах
© Copyright: Марьям Алискерова, 2016
Свидетельство о публикации №116021702904
Свидетельство о публикации №116021702904
Рецензии