Ви гъафилвал аквазва заз вилерай,
Фейи уьмуьр ийизва за гъилелай.
Хьайитlа гьакl чи хиялра авайвал,
Белки жеда, гьич садахъни тахьайвал.
Акъваз садра,хъел къвемир ваз,кlаниди,
Вунни,зунни бахт паталди хайид я!
Чирначирни уькlуь-цуруд дидеди?
Гъетер авай цаварни чаз шагьид я!
Зунни вацрав хъвехъ агудна ксудай,
Са хкет хьиз акъатдай зи ахварни.
Шагьварди заз вичин мани лугьудай,
Заз юлдашар яз ксудай дагъларни.
Кlанзава заз уьмуьрлух яз вахъ галаз,
"Зи кlаниди,вун зиди я",- лугьуз ваз.
Вахъ галаз хьун кlанзава заз кьадарсуз,
Мадни са йиф акъатзава ахварсуз.
Гьинва зи яр?
© Copyright: Марьям Алискерова, 2016
Свидетельство о публикации №116021702836
Свидетельство о публикации №116021702836
Рецензии