Бубани Диде

Эйваз Гуьлалийрин
               
               

Байих тийир бахт.
Рехна квачир тахт,
Уьмуьрдин хуш вахт,
Бубани диде.

Зи цаварин ч1ал,
Иман авай к1вал,
Рик1ин секин гьал,
Бубани диде.

И ц1арарин сир,
Яр-дуст, чир-хчир,
Са мубарак п1ир,
Бубани диде.

Чим гузвай лувар,
Бахтунин сувар,
Чилерни – цавар
Бубани диде.

Заз чан гайи чан,
Кьве эгьли иман.
Зверзавай карван,
Бубани диде.

Туьтуь хьиз турус,
За т1уьр гьалал к1ус,
Хизандин намус,
Бубани диде.

Зи ргазвай рик1,
Байихрик шерик,
Са жуьт малаик,
Бубани диде.

Халикьдин кьисмет,
Суфрадин нямет,
Шаирдин девлет,
Бубани диде.


© Copyright: Эйваз Гуьлалийрин, 2016
Свидетельство о публикации №116021609511
Список читателей / Версия для печати / Разместить анонс / Заявить о нарушении
Другие произведения автора Эйваз Гуьлалийрин
Рецензии
Написать рецензию
Другие произведения автора Эйваз Гуьлалийрин