Чиледин къван
-
Лугьун тавур гафар ама рик1е зи,
Са хиялда шумуд жуьре ван жеда?
Экъведайла и къванерин арада
Заз виш йисар къулук элкъвез к1ан жеда.
-
Гьар са къванцел шумуд жуьре нехишар
Гьи ч1аварин, гьи берейрин лишан я.
Белки ина къуьн-къуьневай кьегьалар
Пакдиз элкъвей Шарвилидин хизан я.
-
Чуьлдин юкьвал гъариб пелел п1ир ала
И к1унт1унал татун пара гунагь я.
Лезги чилел шумуд ихьтин сир ала
Чиледин къван инсанарин панагь я.
-
Яб акалда кьили гьикьван жузунриз
Амукьда зун жагъин тийиз жавабар.
Гъил эцегна чилед къванцин равал за
Тахьуй лугьуз мад сеферда татабар.
© Copyright: Эйваз Гуьлалийрин, 2016
Свидетельство о публикации №116021609450
Свидетельство о публикации №116021609450
Рецензии