Чи п1ир-Чпир

Зи  сифте  кам, зи  татаб,
К1ел  тахьанвай  са  ктаб.
Виш  жузуниз  са  жаваб
Жигъин  тийиз  ава  зун.
Рехъ  алатна  ама  зун.

Ахъа  тучир  шумуд  сир,
Рик1ин  булах, рик1ин  п1ир,
Зи  к1ани  муг, зи Чипир.
Ч1алахъ  тежез  вилерал,
Рагъ  аламай  къванерал –
Къишлахдин  пел  сир  я  чи.
Кьуд  пад  элкъвез  п1ир  я чи.
«Кьуьзуь  п1ир»  чи  ч1ехивал
«Бибиназ»  я  михьивал.
Сур  ч1аварин  аманат,
«Чиледин  къван»  аламат.
Хуьруьн  патав  кьве  арха,
Къван  хьанавай  бубан-хва?
Мус  къван  хьайи  хзан  я,
Са  т1имил  къван  агъада,
Кьуьзуь  п1ирен  яхада.
Ирид  къефле  алатай,
Ирид  патай  акъатай,
Ирид  архад  гел  авай,
Ирид  рекьин  пел  ава.
Ирид  рекье  ирид  нав,
Галк1из  ава  чилни-цав.
Ийиз  дуьнья  гъилелай
Килигда  и  пелелай.
МуьтIуьгъ  хьана  байихриз
Аламукьда  дарих  хьиз.
Шуп1да  шумуд  хиялди.
Къариб  тада  са  тIалди.
Виш  йисара  экъвена,
И  аямдиз  элкъвена,
Рагъ  илифдай  кIани  пел,
Пак  итимрин  михьи  гел
Алуддач  за  рикIелай.
Алатдач  зун  рекъелай
Зи  гьар са  ц1ар  чIиричI  я
Аруш  жезвай  ви  тандиз
Алахъда  зун  даях  жез,
И  п1ирерин  макандиз.
Жуван  диде  ватандиз,
Жуван  диде  ватандиз!!!