Мара-цацка

                Вось размыты дыск
                Хмурага сонца
                Над хатами павіс,
                Сыплецца снег бясконца.
                Як схаваецца за хмары,
                Дык я думаю:зіма,
                А падміргне ўдала,
                Дык,няйначай,вясна!
                Вясной куркі сакатаць
                Будуць весела,ладна,
                Моладзь стане скакаць
                На вяселлях прынадна.
                Сталыя людзі  ладзіць
                Гаспадарку будуць дбайна,
                І на пашні хадзіць
                Буслы,як звычайна.
                Але рана,шчэ,зязюлька,
                Табе гадаць-кукаваць,
                І не хоча бабулька               
                Вясной шчаснай паміраць.
                Малайчына,што не хоча,
                Бо клапоціцца яна:
                У гняздзе курачка сакоча,
                У хляве барачка бляя!
                Разгулялася мая мара,
                Бы дзіця з цацкай,
                А на яе абшары -
                Шусь! - зіма знянацку!
                Ізноў сыпле сняжок -
                То ж зіма,не сумнявайся!
                Не бяжы ты за парог -
                У цяпло,брат,хавайся.
                Не сядзіцца,аднак,душы,
                Дзе цяпло,як пекла,
                А ляціць яна туды,
                Дзе бела ды светла.
                Прыляцела на паляны,
                Удыхае водар хвоі,
                Стаяць сосны-істуканы,
                Бы веліканы -воі.
                Не дрэвы,а скульптуры,
                Разумейце,сосны,яліны,
                Што прырода -натура
                Вас манументам зляпіла!
                На ствалах смала,
                Як бурштын,грае,
                Яна цукеркай была,
                Бо яе смакталі,
                Як дзяцьмі былі.
                Здаецца:лезе мядзведзь
                Па борці мёду ляснога,
                І пчолы звіняць,як медзь,
                І джаляць яго,дурнога.
                Цешуся зялёнай кронай,
                А ўнізе кусты ядлоўцу,
                Ім,мабыць,горай,
                Бо тут меней сонца.
                Вунь чорны мох,
                А яшчэ ёсць і белы,
                Ён у студзені парос
                Зялёным мяккім целам.
                Буры колер травы
                З зялёным змагаецца,
                Студзень,што ні гавары,
                Вясны не атрымаецца!
                Замёрзлі ногі,ух!
                Трэ ісці дадому.
                Я і лес - мы ўдвух -
                Да лесавіка на паклоны!