Гьикьван багьа ят1а вун заз,
Чизва рик1из, ва Аллагьдиз.
Икьван гзаф рик1из вун к1анз,
Кьисмет тахьун, гуж я чандиз.
Гар хьана къужахда на кьаз,
Рик1евай т1ал акъуд ийиз,
Хьанайт1а ваг уьмуьр йикъаз -
Регьат жедай чандиз михьиз.
Экв куьк1уьрай лампадай ваз,
Акуначни ви вилериз?
Шагьвар хьана, вун заз такваз
Зун къекъвезавай, дердер ийиз.
Аквадат1а, гила чун чаз,
Чизва ама са Аллагьдиз.
Кьве рик1 шехьиз, ялав ргаз -
Кьисмет тахьун, гуж я чандиз.
Кьисмет тахьун, гуж я чандиз
© Copyright: Назиль Махмуд 76, 2016
Свидетельство о публикации №116021612038
Свидетельство о публикации №116021612038
Рецензии