Нусалде

Цо роолил къоялъ, къалъул г1ужалда,
Дир йокьулей нусалъ яс гьаюн  йиго. 
Гьелдса вохиялъ дирго васасги,
Щукру Аллагьасе гьабулеб буго. 

Рохалил  маг1ида  бералги хулун,
Дицаги гьезие дуг1а гьабула. 
Дидаса г1едерго ниятги гьабун,
Мавлид к1удадаца къойил ах1ула.  

Эбелгун ясалъе сахлъиги  гьарун,
Кверал дица цере ц1идаса ккола.
-ДУР ц1обги, рах1матги,сахлъигун иман-
Балъго Аллагьасде жеги гьарула.

Нуслъун йик1аниги яслъи гьабулей,
Дир Т1огьол Квац1идул мурад т1убайги!
Мурадалде яхун, ЖИВГО  разияб,
Цадахъ нужей г1умру талих1аб кьейги...

Г1акълуги камилаб, г1елму гъваридаб,
Къисмат гьит1иналъе къадруяб щваги. 
Г1адамазе кийго кумек- ч1ужулъун,
Кидаго х1адурлъун х1алай ятаги. 

Аллагьас  малъухъе г1умру  гьабулей,
Эбел инсул адаб жинца  ц1унарай, 
Халкъалда гьоркьобги г1адлу камилай,
Г1аркьел г1елмуялъул ккурай ятаги! Амин!       
29 09 2015с
           ..........
Г1акълуялде щвеч1о, г1умруги кьеч1о, 
Къисмат гьит1иналъул къокъаб батана.
Аллагьас къадар хъван къоял лъуг1идал,
Малаик т1аде щун, х1инч1  боржун ана...
30 10 2016с