Бабуде

Дир дурцасул эбел, ясалъул якьад, 
Г1исинаб г1елалъул йокьулей бабу!
Киназего нилъей АЛЛАГЬАСДАСА,
Бокьула гьаризе талих1аб г1умру!...

К1УДИЯС жиндирго назмабазда гъорлъ,
Мунг1адинал улбул рехсон ругелъул. 
Х1урулг1инзабазда релъине гьарун,
Къимат т1ок1азулъги бицун бугелъул... 

Дуца дир ясалъул  борхараб къимат,
Аллагьас дуразул зодоб борхаги.
Гьелъие гьабулеб кумек квер-бакъи,
ЖИВГО  РАХ1МАНАС  дуй буссинабеги.

Г1ун бач1ула бугеб ц1ияб г1елалъе,
Нухмалъи гьабизе Х1адае  сахлъи!
Гьезие мисаллъун, ч1вараб байрахълъун,
Ч1аго дунялалда-  къадру, борхалъи...

Берцинаб г1умрудул г1урдаде риччан,
Нилъер лъималазул  т1егьаги г1умру.
Т1угьдузулъ  АЛЛАГЬАС наязе кьураб,
Гьоц1ог1ан  цоцалъги  тайги гьуинлъун... 

ДУРГО  г1елмуялъул т1егьараб г1аркьел,
Г1акълу камиллъизе  кодоб кье, АЛЛАГЬ!. 
Рек1елъ, ц1алич1ого, ильhам* т1инк1арал,  
Г1АЛИАСХ1АБг1адал  рижаги лъимал!...

Дуе рокьулелги, мун йокьулелги,
Рек1ел мурадги т1убан, бокьухъе тайги!
Нагагь т1убач1ого анищ батани,
Мунго кант1изег1ан кодобе щваги! 
                *ИЛЬhАМ- лъай-г1елму

                 15 01 2016