Талих1

Нилъее  бугеб рохел,  гьаб  дунялалъул рокъоб,
Талих1,  цоязе  щвеч1еб,  нилъее щун батидал. 
Бечелъиги гьеб гуро,  хъулухъ  борхатаб  гуро,
Сундасаго къиматаб Исламалъул нух буго. 

Аллагьги цох1о гьавун, авараг рит1ухъ гьавун,
Устар къабул гьавурал, талих1 бугел рук1ина.
Гьеб нух ккурал г1адамал г1ададаги хвеларо,
Жал хвезег1ан Аллагьас гурх1аликьги рачила. 

Холеб саг1ат босани, гьенибги божи буго,
ЖИВ гурх1илин абураб, кьураб раг1и бугелъул. 
Амма гьеб къот1и нилъей, г1ахьаллъизе  кканани,
Г1адада къоял т1амун хьвадизе бегьиларо. 

Бикъа - хъами, квеш хьвади, гьелде т1аде гьереси,
Гьел лъабго яцин абун, бицен халкъалъулъ буго.
Къаси рахъун какал ран, къад гьел пишаби гьарун,
Чи, къосарав гурони, гьелда ругьунлъиларо. 

АЛЛАГЬАС  т1ад  лъураб  фарз, Аварагасул  суннат,
Сундулъго  квербакъизе нилъей  нух  малъи  буго. 
Гьелъулъ  даг1ба  баралги, щаказда  божаралги. 
Талих1 жодорго къарал агьлабазулъ ратила. 

Къиямасеб  къоялъги г1арасат майданалда,
АЛЛАГЬ гурх1аразда гъорлъ нилъго ратизе ккани,
Дидасанго бай-бихьун, хадур цогиял лъугьун,
Зикру бачиялда рак1, даимлъи мурад буго...

Ахир бахъулеб х1ухьел иманалда бахъизе,
Х1аракат бахъулезулъ, т1оцее дунго анищ. 
Цойгиязе ц1ализе,  ваг1заялъе нух гьеч1ей,
Дирго рек1елъ АЛЛАГЬГУН, Устарас кколей анищ!