«Духтур Къудратаз чарар» циклдай
Югъ а югъ туш, духтур Къудрат
Агакьнава кьуьд.
Гатуз чугур чпазрин цив,
Кьежирдачни туьд?
Чай къведалди, хизанривай
Са кеф-гьал жузан.
Ахпа стха, аста-аста
Кьил-кьилиз ягъан.
Гьикьван ч1ав я, такуна вун,
Дарих хьанава .
На лугьудай ц1арарихъ зун
Къаних хьанава.
За кьил кутан, вуна цуьгъ гъваш,
Хкажин ифин.
Къагьриманни Кьилегь Къудрат
Са рик1ел хкин.
Чувал-чувал гафар ава
Къаткана чанда.
Вахъ галаз са «виш»ни духтур
Арада канда.
Демекдихъни берекат ква
Алабарна сад.
Са чайникди кар тавурт1а,
Хкида сад мад.
Такъад сивел, зак1ал жезва
Акъатиз куркур.
Я илифа, я илифра
Хаз тахьуй хатур.
Я илифа, я илифра
© Copyright: Эйваз Гуьлалийрин, 2016
Свидетельство о публикации №116021412787
Свидетельство о публикации №116021412787
Рецензии