Кьулан вац1а сел жедай туш, Шагьдин кук1вал жив тахьайт1а,
Пехъ элкъведа и кук1ушрал, кьилел лекьрен кьив тахьайт1а.
Ч1ана жеда са элдин югъ, вичин къеняй акъатнавай
Фагьум авай кьат1извай кьил, гаф лугьудай сив тахьайт1а.
Шаир элдин юкьва канда далу кьуна жувандакай,
Кьегьал касни ях амукьда, дар макьамда шив тахьайт1а.
Ватандивай къакъатай кас, агуд хъийиз четин жеда,
Танда кек кьван ругь амачиз, циц1ибдив кьван ц1ив тахьайт1а.
Шаир Эйваз хъиткьин жедай, эх тахьана акьазвайбур
Дерд ахъайна чешмед вилиз, рик1ин т1алар цив тагайт1а.
Тагайт1а
© Copyright: Эйваз Гуьлалийрин, 2016
Свидетельство о публикации №116021412458
Свидетельство о публикации №116021412458
Рецензии