Х Т У Л А Р С Л А Н А З
Йисни ханвач гьеле бегьем,
Мажбурна зун кьуниз къелем.
Гъвеч1ивилин акваз амал,-
Къваздай бала туш хьи санал.
Чидайди туш вуч я галат,
Кусунални гьич рик1 алач.
К1апу фида зиринг тегьер
Гзаф к1анда къугъвад шеъер.
Къугъвад шеъер тадач секин,
Гадарзава чилиз к1валин.
Вичиз хас тир ийиз гьарай,
Алудзава вичин кьарай.
Ша лагьайла,- к1анда къужах
Са легьзеда къваздач анжах.
Лагьайла за макьам, аваз
Кьве гъил жеда цава къугъваз.
Иервилизни ганва пай:
Ч1улав вилер, чин-туп ац1ай.
Гагь-гагь жеда хъуьхъвер къекъиф,
Чина лацу лаз я элциф.
Эцинавай т1вар я Арслан
Чаз, виридаз, я ам масан.
Хтул я зи, буйдиз биц1и,
Къваздач секин, я хуп1 циц1и.
Хтул Арсланаз
© Copyright: Фикрет Хидиров, 2016
Свидетельство о публикации №116021411654
Свидетельство о публикации №116021411654
Рецензии