(захъ галаз таниш хьайи са шиирдал рикI алай касдин мецелай)
Вучиз чи шаирар аквазва кьериз,
Белки атана фей, са гьисс хьанатIа?
Яраб къелемдикай хъелна эбеди,
Архайин уьмуьрдив игис хьанатIа?
А кьецIил къуьнерал хуьз тахьана пар,
Гуьгъуьнихъ цIигел яз зуракI туна цIар.
Шиир вуч затI ятIа, авачиз хабар,
Аллагьдин къаншарда силис хьанатIа?
Заз чиз къелемни чар гвадарна яргъаз,
Я туш пехъи селди туна агь чугваз.
Цаварин цав къанун гъавурда такьаз,
Чеб-чпин къапуна илис хьанатIа?
ЦIарцIуз нефес канда, и сенятдиз гел,
Гьахъ гаф туькьуьл жеда, атайтIани хъел.
Лап фад кьуьзуь хьана шиирдин кимел,
Айибар бейхабар экъис хьанатIа?
к1елдайдан дуван
© Copyright: Эйваз Гуьлалийрин, 2016
Свидетельство о публикации №116021307087
Свидетельство о публикации №116021307087
Рецензии