пакамечаная
пачка цыгарэт.
апечаная
запалкай далонь.
абсечаная
пасма валасоў.
дыспрапарцыянальнасць ці драма.
памечаная
дотыкам
хваля ключыцы.
скамечаная
поглядам
адлегласць між грудзей.
прыкмечаная
спакусай
зграбнасць рэбраў.
пагарда і прывабнасць - першым экранам.
прымечаная
назіраннем
хударлявасць выгінаў.
расквечаная
бледнасць
ног панчохамі.
размечаная
жаданнем
ідэальнасць
неідэальнай формы.
непрыстойная заганнасць ці рана.
прыгнечаная.
абязвечаная.
скалечаная.
філіграннасць
забойства.
асыпальнасць
доказаў.
анармальнасць
матываў.
раўнадушнасць да спрэчнасці і драмы.
усяго толькі форма.
нежывая.
увасобленая.
чароўная ў сваёй пачварнасці.
дынамічная ў сваёй статычнасці.
цнатлівая ў сваёй грэшнасці.
за кадрам
© Copyright: Аляксандра Фагот, 2016
Свидетельство о публикации №116021301640
Свидетельство о публикации №116021301640
Рецензии