Эйвазан тахсир

Эйваз Гуьлалийрин
         
            
 
Ц1ийиз  илгьам  куьк1вей
Са  жегьил  инсан.
Аку,  шумуд  патай
Шуп1  хьанат1а  тан.
Бес  вучиз  икьван  пис
Атана  девран?
Лагьайла  гатазва
Деврандин  пехир.
Лугьумир  Эйвазан
Пара  я  тахсир.
 
Авай  гаф  лагьайт1а
Ч1ур  жеда  келле.
Авай  кар  акурт1а
Т1уб  гьатда  виле.
Я  Аллагь,  дуьнья  гьик1
Фидажал  кьиле?
Инсанар  са  капаш,
Шейт1анар  нехир.
Лугьумир  шаирдин
Пара  я  тахсир.
 
Шумуд  квач  галк1ана
Рехи  жезва  мег.
Сик1ери  сик1вилив
Ат1узва  зи  рехъ.
Лекъери  лув  гана
Амукьна  зун  тек.
Инсанрин  къен  чидач
Винел  пад  я  п1ир.
Лугьумир  шаирдин
Пара  я  тахсир.
 
Ракъинал  хъухъвана,
Къаял  ч1агана.
Марфадал  кьежена,
Харци  гатана.
Бахтуни  чуькьвена
Уьмуьр  кьат1ана
Шумуд  гъам  акуна
Шумудни  са  сир.
Лугьумир  шаирдин
Пара  я  тахсир.


© Copyright: Эйваз Гуьлалийрин, 2016
Свидетельство о публикации №116021107382
Список читателей / Версия для печати / Разместить анонс / Заявить о нарушении
Другие произведения автора Эйваз Гуьлалийрин
Рецензии
Написать рецензию
Другие произведения автора Эйваз Гуьлалийрин