Къванцин чиниз, кьац1 ат1уда ст1алди
Тек са сефер,т1ал галудна хиялди.
Кьвал чк1урда, вац1 элкъуьрда и ялди
Зи гьиссериз нуьквер авач, хан авач
Я япарихъ галукь тавур ван амач.
Хуьн тавурт1а лацу пек хьиз кьац1уда,
Жегьеннемдин рехъ регьат я лугьуда.
Чун «Марвар» хьиз агатунихъ Бакуда
Я и рик1е акьун тавур къван амач,
Я япарихъ галукь тавур ван амач.
Душманри хьиз авурт1ани рик1ел хер,
Алахъда зун, агуд тийиз рекьив шер.
Сабур иер, абур иер, кар иер
Лугьуз хьурай, и танда мад чан амач,
Мад япарихъ галукь тавур ван амач.
Ван амач
© Copyright: Эйваз Гуьлалийрин, 2016
Свидетельство о публикации №116021107145
Свидетельство о публикации №116021107145
Рецензии