Зун я зун
РикIин къене авайди чIун
Зун я зун.
(Медет А.)
Дустни душман чир тежез,
Амукьзавай сир кьеч1ез.
Кьве къат хьана к1ир тежез,
Авазвайди зун я зун.
Агь акахьай верц1и ван,
Рагъ лагьайда хчур чан.
Дагъ лагьайда вегьей къван,
Акьазвайди зун я зун.
Руьгьдин вилиз гуьзгуь кьаз,
Рик1е гатфар, рекье цаз,
Гьар камуна са тукъаз
Аквазвайди, зун я зун.
Гьиниз фена, гел туна,
Ц1алц1ам мецер хъел туна.
Рик1е хайи эл туна
Рахазвайди зун я зун.
Хкажзавай хуш аваз,
Руьгь хъуьрезвай гаф галаз.
Кьиляй-кьилиз шиир яз,
Амазмайди зун я зун.
Зун я зун
© Copyright: Эйваз Гуьлалийрин, 2016
Свидетельство о публикации №116021107099
Свидетельство о публикации №116021107099
Рецензии