Гур жеда хъипидиз нянин ярар,
Апрелдин серинвал мили жеда гьикI.
Геж хьана вун пара, алатна йисар,
Амма вун акунал шад хьана зи рикI.
Иниз ша, ацукьа мукьув агатна,
Килига хъвер алай вилерив жуван:
Ингье, вили дафтар винел акъатна-
Шииррив ацIанвай зи аял чIаван.
Гъил къачу, уьмуьрна за сефилда хьиз,
Ва гьич шад хьанач зун рагъ алай юкъуз.
Гъил къачу,гъил къачу, жуваз чин тийиз,
Парабур, гьа вун хьиз, кьабулна лугьуз.
А. Ахматова. Широк и желт вечерний свет...
© Copyright: Билал Адилов, 2016
Свидетельство о публикации №116020911443
Свидетельство о публикации №116020911443
Рецензии