(працяг)
ад нячыстай сілы
Конь стары, але упарты –
Кожны дзень на павагі варты.
Хай капытам лясне сівы
Па рагам нячыстай сілы!
ад харчовага атручвання
Добры дзядзечка памежнік,
Барані ад брыдкай ежы!
Хай не звяжа кішкі ў скрутак
Мне харчовая атрута!
ад каларадскага жука
Наляцела, нібы хмара,
Паласатая пачвара.
Каб цябе пабіла градам!
Гэць дамоў – у Каларада!
ад храпу
Сярод ночы сэрца ёкне –
Затраслося шкло ў вокнах!
Толькі шкоду не лячу я:
Мне ўсё роўна – я ж не чую!
на грошы
І ў зіму, і ў лета
Марай я адной сагрэты:
Хай грызуць мяне як вошы
Кожны дзень дурныя грошы!
ад падаткаў
Раптам стала ціха-ціха –
Па краіне ходзіць ліха.
Хай маёй не знойдуць хаткі
Звар’яцелыя падаткі!
ад бяссонніцы
Ноч калыша, нібы маці:
“Трэба спаці… Трэба спаці!"
Шэпча чабарок і сыць:
"Спі, пакуль краіна спіць!”
беларускiя ненародныя замовы - 2
© Copyright: Саша Морозов, 2016
Свидетельство о публикации №116020806637
Свидетельство о публикации №116020806637
Рецензии
Вельмі спадабаліся Вашыя замовы! Асабліва ад караладскіх жукоў і ад храпу)))
Клавдия Семеновна 20.04.2016 22:17 • Заявить о нарушении
Клавдия Семеновна 20.04.2016 22:17 • Заявить о нарушении